Anonyme [1652], L’OMBRE DE MANCHINY A PARVË A MAZARIN. ET LA CONFERENCE FAITE Ensemble au sujet de sa Mort. , françaisRéférence RIM : M0_2589. Cote locale : B_11_30.
page précédent(e)

page suivant(e)

-- 4 --

au comble des felicitez, il estoit bien aymé
du Roy, il auoit grand pouuoir sur
son esprit, ce m’estoit encor vn appuy,
mais la mort cette inpitoyable creanciere
luy a faict payer son tribut, le Cardinal
Mazarin apres auoir bien lamenté,
auoit l’esprit & le corps abatu a force
de s’estre tourmenté, s’endormit tout
lassé, & comme il estoit au plus profond
de son sommeil, voicy que sur la minuict
vn grand bruit s’esleua dans sa Chambre,
& vne voix s’approcha de son lict se plaignant
assez haut, Mazarin estoit tellement
assouppy qu’il ne s’eueilla pas pour
ce premier bruit : Mais oyant tirer les rideaux
de son lict si impetueusement que
la couche bransla comme si elle alloit
rompre, lors s’eueillant en sursaut auec
effroy, ie suis perdu, quel Demon vient
troubler mon repos, la voix alors parlant
auec rudesse respondit ? & quoy mon
Oncle ne me connoissez-vous plus, Mazarin
se leua à demy, tout transporté de
ioye & despouuante, s’escriant c’est donc
toy mon cher Nepueu qui vient consoler
le déplaisir que i’ay de ta mort, ie croy


page précédent(e)

page suivant(e)