nous a donné vn Roy qui n’a jamais
commis de peché, & à l’honneur de sa pureté
nous deuons employer nostre sang & nos
biens pour la conseruation de sa grandeur &
authorité Royale ; nous imiterons nos Princes
qui ont mesme intention, tout n’agit que
pour la tranquillité publique ; nos Seigneurs
de Iustice ne veillent non plus que pour le seruice
de sa Majesté ; Si bien que tous ses semeurs
de dangereuses doctrines estans de ses
Demons inutiles, qui ne se plaisent que dans
le diuorce, le Ciel nous afranchira par sa grace
de leurs criminelles & oisiues inuentions,
& donnera, s’il luy plaist, à nostre Chrestien
& accompli Dieu donné, & à la Reine Regente
sa Mere, des contentemens & des felicitez
sans trouble ny émotion ; puis qu’il est constant
que leurs Majestez n’ont pas de plus ferme
resolution, que celle de donner à tous les
peuples vne paix souhaitée & tres-necessaire ;
nos maux vont finir, & nous n’aurons qu’à
remercier Dieu, & à crier à haute voix, Viue le
Roy & la Reine, & ceux qui trauaillent pour
l’acquisition de nostre repos ; apres cela nous
donnerons nos vœux & nos prieres pour l’vnion
de la France, & le retour de leurs Majestez :
Ce Royaume est si glorieux, que nous
deuons remercier Dieu de nous y auoir fait

page précédent(e)

page suivant(e)