Elle estoit desia ad patres,
En Sicile faisoient flores ;
Les plus rafinez de cette Isle
Ne cognoissoient rien dans leur stile,
En fait de voler & piller,
Ils sçauoient l’art de gouspiller
Mieux que tous les hommes du monde,
Leur excroque estoit sans seconde,
Et estoit arriuée au point
Que d’égale elle n’auoit point.
Tout le peuple de la Sicile,
Aussi bien des Champs que de Ville,
Vn iour fit sa plainte de quoy,
Quand ils disoient Ham, c’est pour moy ;
Ils entresloient à toute vire,
Ou froid ou chaud, cuit ou à cuire,
Bref ils s’accommodoient de tout,
Quoy disoit-on, cela nous f…