mal & non pas des Roys mineurs,
dont la conduitte est bien souuent plus auantageuse
aux suiets que n’est celle d vn Roy
Maieur qui ne laissera pas d’estre enfant, c’est
à dire dépourueu de bon entendement, & de
bon Conseil, & c’est ainsi qu’il faut expliquer
ce Passage & non pas au pied de la
lettre.

En effet si nous iettons les yeux sur la Minorité
passée du Roy, nous trouuerons qu’elle
a esté beaucoup plus heureuse au commencement
que sur la fin ; & que iamais sous
le feu Roy de glorieuse memoire il ne s’est
remporté de plus signalées victoires sur les
ennemis, que sous le nostre dans son aage le
plus tendre. La premiere fut celle de Rocroy
qu’il a gagnée le quatriesme iour de son regne,
par vn ieune Prince qui depuis passa
comme vn torrent impetueux dans l’Allemagne,
& gaigna les fameuses batailles de
Norling, & de Fribourg, prit vne infinité
d’autres places ; puis acheua d’abbattre l’orgueil
des ennemis à la iournée de Lens. Il n’est
pas necessaire que ie le nomme ; car qui ne sçait
pas que c’est Monsieur le Prince, cét Heros incomparable,