Anonyme [1649], L’ENTREVEVË DV SVLTAN HIBRAIM EMPEREVR DES TVRCS ET DV ROY D’ANGLETERRE, AVX CHAMPS ELYSEES. , françaisRéférence RIM : M0_1261. Cote locale : C_4_7.
-- 8 --
Dans la ville & dedans la place
Où te donnois autrefois grace
A tous ceux à qui ie voulois
Comme estant par-dessus les loix.
Mais las ! ie n’ay pas de puissance
De retracter vne sentence
Qu’on auoit fait contre moy,
Me rendant suiet à la Loy :
Grand Dieu prenez vostre Iustice
Et venez tost punir ce vice,
Faites venir dans les Enfers
Sous les chaisnes & sous les fers,
Toutes ces ames desloyales.
Qui font des puissances Royales
Vn sacrifice à leur fureur,
Chose toute pleine d’horreur,
Et dont la terre & tout le monde,
Murmure, se courrouce, & gronde
Se promettant que desormais
Ils ne pourront plus viures en paix
Qu’ils n’en ayent pris la vangeance
Dessus cette maudite engeance.
Le Sultan.
A quoy sert de vous attrister,
Il n’est plus temps de lamenter
Et il vous fait prendre patience.
Roy, quittez-moy tout ce soucy,
Nous en auons assez icy.
Ie vay m’enfoncer dans la flame,
Adieu, tu ne vois plus mon ame.
FIN.
|