Presenté au Roy dans la Ville de Pontoise par
vn grand Prelat.

SIRE,

Nulle Republique (dit Platon) peut
subsister ny estre conseruée heureusement,
sans la Iustice Diuine & humaine. Or la Iustice
Diuine (dit Lactance) est celle qui nous conioint auec
Dieu par deuotion & bon vouloir, accompagné d’effect :
& la Iustice humaine nous conioinct auec l’homme,
par misericorde & humanité. La vraye deffinition
de Iustice est vne perpetuelle & constante volonté, de
rendre à chacun ce qui luy appartient. Ou bien, la Iustice
est ne blesser ny faire iniure à personne, & rendre
à vn chacun ce qui est sien. Ce qui regarde premierement
Dieu, que les hommes. Il faut (disoit les Christ)
rendre à Cesar, ce qui appartient à Cesar, mais premierement
à Dieu, ce qui appartient a Dieu. Et tous ceux