sa charité. Dauantage les abysmes des feux sousterains,
les tremblemens de terre & la cheute
des montagnes, confirment les pronostications de
mon Astrologie, tirées des plus grands Autheurs
qui par les Phenomenes ou apparitions des Astres
qui se selebrent en ces quartiers m’aprenennent
que la guerre doit quitter entierement l’Europe,
pour ruiner entierement les trois autres parties,
l’Iris & la Colombe qui estoient familieres à ces
peuples ont paru sur nostre chef, quittant les
estrangeres Nations, pour y laisser gronder le
tonnerre, & croasser les Corbeaux, quand à la
France n’a plus à craindre aucune reuolution, le
benin Iupiter qui la regarde d’vn œil amoureux,
la fauorisera tousiours de ses plus douces inuences,
s’il y arriue quelque changement, ce sera
dans les charges de la guerre, à cause que Mars est
le Seigneur de nostre Horison, l’Italie, l’Allemagne,
l’Espagne n’auront point d’autres allarmes,
que celles que le grand Turc leur causera du costé
de la Hongrie, les autres Estats de l’Europe à cause
que Lucine regarde de mauuais œil Saturne qui
les domine, viuront plustost en troubles qu’en
tranquilité, & leur malheur seroit plus grand si le
Ciel ne s’armoit d’vne foudre pour donner de la
terreur à leur seine, le triple regard de Mars auec
Mercure du coste de l’Orient, me faict conclurre
que ces trois grandes parties du monde entreront

page précédent(e)

page suivant(e)