Anonyme [1651], LES QVARANTE-CINQ FAICTS CRIMINELS DV C. MAZARIN, QVE LES PEVPLES instruits addressent à ceux qui ne le sont point. , françaisRéférence RIM : M0_2931. Cote locale : C_11_17.
page précédent(e)

page suivant(e)

-- 4 --

LES QVARANTE-CINQ FAICTS
criminels du Cardinal Mazarin.
Que les peuples instruits addressent à ceux qui
ne le sont point.

PAR tout le monde il ne se parle que de l’opprobe & ignominie
qu’encourent les François, de souffrir si longtemps
vn Estranger, qui par sa vile naissance, estant le
subiet du Roy d’Espagne, les Maistrise, les Regente & les
meme par le nez où il veut. Les Troyens par vne lascheté beaucoup
moindre, furent appelez Troyenes & ie ne sçay si les
François peuuent estre nommez Françoises ? effeminez qu’ils
sont en ce rencontre, & degenerans de leurs ancestres, attendu
qu’ils portent auec tant de patience le ioug que leur impose cét
homme qui pour se mettre mieux à l’abry des orages que luy
mesmes à excitez, se couure d’vn Chapeau Rouge, dont il se
sert, comme ces Magiciens de Noroüegue, qui font tourner le
vent du costé qu’ils tournent leur chapeau. Certes le Chapeau
Rouge ne fut donné à quelques Ecclesiastiques par le Pape Innocent
IV. au Concile de Lyon, que pour les obliger à vne perpetuelle
souuenance, que toutes les fois que le seruice de Dieu &
le salut du peuple le requeroit, ils doiuent estre prests de s’empourprer
de leur propre sang. Mais le Mazarin ne semble auoir
receu cette couleur de sang en ses habits, que pour estre animé
d’espancher le meilleur sang de France, dont il se plaist depuis si
longues années, ou pour mieux dire, pour entierement perdre
les Princes du sang de France. Le scelerat qu’il est ne songe qu à
mettre bas ceux qui l’ont haussé qu’à perdre ceux qui l’ont sauué,
comme vne nuée qui tasche d’obcurcir le Soleil qui l’a esleuée
de la terre ; N’est-ce pas donc maintenant que la France est
mal nommée, & qu’elle ne peut estre nommee France que par



page précédent(e)

page suivant(e)