Naples ; d’auoir exposé le Comte de Harcourt deuant
Lerida ; de luy auoir fait porter le blasme du
retardement du secours deuant Liege, contre le
Duc de Bauiere ; de l’auoir exposé honteusement
à leuer le siege de Cambray ; de l’auoir laschement
fait consentir à conduire les Princes dans le Havre
de Grace ; d’auoir constamment choqué le
Duc de Lorraine dans les iustes poursuites qu’il
faisoit pour rentrer dans son Duché, ie pense
qu’elle ne trouuera rien plus à redire dans la conduite
de mon Gouuernement.

A bien considerer tant de suiets du mescontentement,
on diroit que ie ne sçaurois faire des
propositions qui peussent disposer les affaires à
quelque sorte d’accommodement pour rentter
dans mon Ministere. Mais quand ie proposeray à
la Maison d’Orleans, le mariage du Roy auec Mademoiselle,
celuy de Monsieur auec Mademoiselle
d’Orleans ; quand ie luy promettray de remettre
entre ses mains les gouuernements des places
dont i’ay disposé sans son adueu ; De luy donner
vn Palais dans Rome de 14. que i’y ay fait bastir :
de ne me mesler iamais du gouuernement de l’Estat,
que pour seconder toutes ses dispositions : enfin
lors qu’en recompense de toutes les pertes
que S. A. R. pretend auoir fait, ie luy feray toucher
quatre millions, ie pense qu’il n’aura point
raison de s’opposer à mon restablissement.

Que le Prince de Condé irrite ses desirs ? qu’il