luy furent donnez, (semblables à ceux que l’on vous
donne) qui par leurs aduis & conseils le porterent a
parler rudement, & traitter durement ses peuples qui
imploroient sa douceur, & qui ne luy faisoient que requestes
tres-iustes, ciuiles & tres-innocentes : Ce qui
les mit hors des gonds, & de l’espoir de viure plus doucement
qu’ils n’auoient fait sous la fin du Regne de Salomon
son pere, & qui leur fit ietter cette funeste & publique
voix, Quelle part auons nous en la Maison de Dauid ?
Maison de Dauid pouruoy à toy. Et des-lors les dix
parts, & plus, du Royaume s’esleuerent & s’establirent
vn nouueau Roy, & reietterent Roboam leur legitime
Seigneur, à qui il ne resta qu’vn Tribu & demy de
douze, que ses Ayeuls luy auoient laissées : & dont luy,
ny ses successeurs n’ont iamais pû iouy ny ramener à
leur obeyssance.

O ! Roy, remarqués cecy, & vous tous Dominateurs
& Souuerains de la Terre, afin de gouuerner vos Sujets
en douceur comme bons peres de famille, car ainsi
estoient appellez les premiers Roys & Gouuerneurs des
peuples, qui viuoient & regnoient en seureté & tranquilement.

Les mauuais Conseillers corrompent les bonnes mœurs
des Princes : Et les Roys & Souuerains les doiuent
esloigner d’eux comme pestes qui infectent leurs personnes,
& font mourir leurs sujets. Et où il n’y-a point
de Sujets il n’y a point de Prince. C’est pourquoy, ô
Roy Louïs, chassez, s’il vous plaist, d’alentour de vous
tous ces mauuais Conseillers, qui pourroient estre la
perte & ruine totale de V. M. & de vos sujets, comme il
s’est veu ailleurs, & se voit encores aujourd’huy.

I’ay fait tomber la Couronne de ce beau Royaume,
entre les mains d’Henry de Bourbon lors qu’il n’y
auoit point d’apparence ny d’esperance que cela luy
deust arriuer, Henry de Valois II. du nom, ayant laissé
trois fils qui ont Regné l’vn apres l’autre, & eu femmes