LE TROMPETTE, OV
Heraut du Ciel, denonçant au Roy, à la
Reyne, & à leur Conseil. Aux Duc
d’Orleans, Prince de Condé & autres.
Ville de Paris & reste du Royaume, la
Paix, où destruction s’ils la refusent.

C’Est à vous Roy & Reyne des François
à qui premierement ie suis enuoyé de
par le Roy des Roys, & Seigneur des
Seigneurs, qui fait seoir sur le Trosne,
& orne le chef d’vn Diadesme, & la
main d’vn Sceptre, pour regner en Iustice :
pour vous denoncer entendre
à la PAIX que tout le Peuple de vostre Royaume vous
demande. Il aime la Paix ; il haït le trouble & le sang.
Il cherit la Iustice. Il a veu la misere de la France, a
ouy la clameur de tant de milliers d’ames qui crient à
luy, pour les maux qu’ils souffrent à present soubs
ce Regne. Car il a ouy le cry des enfans qui sont encor
dans le ventre de leurs meres, languissans & perissans
auec celles qui les portent, par la grande necessité où les
ont reduits la cruauté, la barbarie ? & l’effrenée licence
de vos Armées & de leurs Chefs, & du Conseil que vous
auez allentour de vostre personne, qui abusans de vostre
ieunesse & authorité, & voulent assouïr leurs dereglées
passions, & engloutir vostre bien & celuy de vostre
peuple, vous feront prendre le train de ceux qui n’ont
pas veu leur Regne long. Ils vous mettent dans le chemin
où fut conduit le Roy Roboam fils de Salomon, &
petit fils du Roy Dauid, par les mauuais Conseils qui

page précédent(e)

page suivant(e)