insupportable qui nous vient dire que M. le
Prince haït la paix, pource qu’il veut la ruine du peuple ?
On le dit à ceux qui sçauent qu’il est étroitement
vny auec M. le Duc d’Orleans, auec M. de Beaufort, &
auec tous les ennemis du party Mazarin, & l’on pense
que c’est assés pour le décrier, & nous faire croire qu’il
en veut au peuples ? Ceux qu’on a soupçonné d’auoir
causé la maladie du Duc de Beaufort, & qui ont triomphé
du desespoir de sa santé peuuent sans doute passer
pour les ennemis du peuple, non pas celuy qu’on en
appelle desia le protecteur, pour ce qu’il le veut estre,
& semble vouloir terminer son ambition par cét illustre
tiltre. Sçauez-vous qu’elle paix luy déplait, celle
qu’on entretient auec le Mazarin & ses partisans, ausquels
il declare hautement la guerre. Encore par respect
qu’il a pour la paix, il les poursuit auec les voyes
de la Iustice, comme des criminels, non pas auec la
main & la force, comme des ennemis.

Pour rendre M. le Prince souuerainement odieux à
vn peuple le plus passionné qui soit au monde pour la
Monarchie, le party Mazarin ne cesse de publier contre
son innocence, qu’il en veut à la Couronne, & que
ses desseins sont de la partager, s’il ne peut l’auoir entiere.
Demandez à ces médisans d’où c’est qu’ils ont
appris le secret de M. le Prince, cette rebellion interieure,
cette perfidie cachée dans le fonds de l’ame,
tandis que ses paroles ne respiroiẽt que la soûmission
que ses mains rendoient les seruices d’vn parfait obeïssant,
& qu’il ne souffroit dans ses veines vne goutte de