celuy de la Reyne, s’ils trauaillent à le
desunir de Monsieur le Duc d’Orleans, à le
mesler mal auec les grands, à le faire redouter
du peuple, ce n’est qu’auec connoissance de
la hayne extreme que ce grand cœur à conceu
contre cét estranger qui destruit l’Estat, flestrit
nostre gloire, vend nos conquestes, profite
des victoires de nos ennemis, & apres auoir
attiré injustement à ses coffres tour l’argent
du Royaume, en dissipe le fonds par vne
œconomie estrange, laquelle vend l’arbre apres
l’auoir depoüillé de ses fruits.

Le retour
du Maz.
ne peut
estre que
funeste à
Monsieur
le Prince.

Ie sçay bien que plusieurs personnes qui
n’ont que de bonnes intentions pour le public
attendoiẽt de Monsieur le Prince autant de violence
que de hayne, qu’elles se promettoient
de sa vigueur, que le procez seroit fait à ce
criminel, sa memoire flestrie, ses biens saisis,
& ses Partisans arrachés de la Cour & de toutes
les charges qu’ils y possedent : Pour contenter
ces esprits on ne peut leur dire autre
chose, si ce n’est que Monsieur le Prince à
les mesmes souhaits que nous de voir l’autheur
de nos maux tout à fait aneanty, & non seulement
esloigné, que ces inclinations sont celles
qu’ont tesmoigné iusqu’à present tous les
bons François contre cét ennemy commun,