Anonyme [1649], LE TOMBEAV DE LA PAIX. , françaisRéférence RIM : M0_3781. Cote locale : B_16_3.
Le peuple qui ne sçauroit plus Rien esperer de sa fortune, D’vne voix craintiue & toute vne Va murmurant de plus en plus, L’vn se desespere, & medite Vn matin de prendre la fuitte, Et l’autre fournit sa maison, L’autre se resout au carnage, L’autre vend son meuble ou l’engage, A beaucoup moins que de raison.
Le desordre enfin est par tout Dedans les champs & dedans la ville, Et l’on void la guerre ciuille Courir de l’vn à l’autre bout Tout cela procede d’vn homme Que l’on a fait venir de Rome A dessein de n’y plus aller, Ie ne sçay si ie l’ose dire, Mais ie crois que sa main aspire A nous perdre & nous desoler.
|