Anonyme [1652], LE SYNDIC DV PEVPLE FRANÇOIS, ESLEV PAR MESSIEVRS LES BOVRGEOIS DE PARIS AV ROY. Luy representant les Intrigués, Fourberies, Carracteres & Magies, que le Cardinal Mazarin s’est seruy pour troubler l’Estat de tout son Royaume; Et comme il est indigne d’estre Ministre d’Estat, ny Cardinal. Auec vne representation de l’Estat François sous les Fauoris, à accomparer, tant du commancement du Reigne de Louys 13. que Dieu absolue, que du Reigne d’apresent. , françaisRéférence RIM : M0_3742. Cote locale : B_11_36.
-- 16 --
nomme pareillement charactere. Mais sa
derniere signification, qui est odieuse &
detestable pour ses fonctions, est de certains
billets enchantez que le diable donne
à des personnes perduës & miserables
qui font des pactions auec luy pour arriuer
à quelques desseins, les vns afin d’estre
bien-heureux dans les armes, pour n’en
estre point blessez, ou y remporter tousiours
l’aduantage contre ceux auec qui ils ont
quelque different. Les autres s’en seruent
pour estre bien aimez des Dames, & violer
leur pudicité ; pour posseder des richesses
ou des honneurs en ce monde, selon que
leur conuoitise leur en fait desirer, ou que
l’occasion s’en pût offrir d’elle-mesme.
Toutes ces sortes de billets s’appellent charactere,
tant parce qu’ils font escrits de la
main des hommes, qu’à cause des Demons,
apres les execrables ceremonies qui
y sont requises, leur donnent ces proprietez
& ces vertus, pourattirer à foy les ames,
& les faire trebucher auec eux au fond des
Enfers. Ce n’est pas icy mon intention de
prouuer, si ces sortes de magie ont quelque
effet veritable en elles-mesmes, ou si leur
|