Qui pour nous se mettent en peine,
Tesmoins Monseigneur de Turesne
Qui a mandé aux Parlement
Son vouloir & consentement
Qui estoit tel que son seruice
Il leur offroit & sa Milice,
Et desia à nos portes seroit,
Si vne Paix on n’attendoit,
Qui sera bien-tost concluë,
Si quelque occasion inconnuë
N’empesche ce pieux dessein :
Car le Cardinal Mazarin,
Quoy qu’il dise, & quoy qu’il face
Il luy faut faire vorte face,
Et s’en aller bien promptement,
Pour éuiter le chastiment
Qui est bien deub à sa personne,
Ayant fait action felonne,
Comme chacun en est imbut ;
Il pourroit bien seruir de but
A quelque Galand Personnage,
Qui remply d’vn gentil courage
Voyant son obstination
Le payera dans l’occasion.
Desia Messieurs du Parlement
De Roüen declarent hautement
Qu’il veulent executer l’Arrest,
Et que pour cela tout exprés
Sont venus à la Conferance,
Pour promptement calmer la France.
C’est pourquoy l’Arrest est donné
A Paris, on a condamné
Mazarin le vingt-septiesme
Du Mois de Mars, c’est le quantiéme

page précédent(e)

page suivant(e)