la reputation & de l’honneur de la France, les trahisons
qu’il a commises en tant de lieux, & ce qu’il a fait
depuis son retour, ses pratiques mesmes, & les pensions
qu’il tire tous les ans auec lesquels il a tellement
enflé les voilles de son ambition, qu’il medite
desia la souverainneté du monde.

Les Garnisons remplies d’estrangers, l’ennemy de
la France placé dans vostre chambre & ses partisans
en vostre Conseil, & vne infinité d’autres commis
que i’obmets, & qui seront representez & iustifiez
ailleurs, a esté fair par l’aduis, & par l’auctorité de ce
nouuel Sesanus, & pour son profit, & qui pourra croire
que ses actions si detestables demeurent imprimez,
puisque ce sont autant de crimes de leze Maiesté, si les
loix de la France meritent d’estre creuës.

Vos tresors ou plustost ceux de la Couronne sont
vollez ! helas, Louis XIII. grand Prince qu’estoit il necessaire
de fatiguer vostre vie, & suer si long temps
pour rendre vostre France riche, opulante & redoutable
a tout le monde : puisque à present l’on la fait
esclave de vos ennemis, pauvre & du tout miserable,
tant de milions qu’on a leuez sur vostre pouvre peuple
sont esvanouis, Sesanus & les siens les possedent, ils
en achetent des Principautez Souueraines, des Marquisats,
des Comtez & des Baronnies, les Banques de
Venise & d’Allemagnes ne sout fournies que des deniers
qu’il vous à volez, les Accademies à Paris ne s’entretiennent
que de billets & promesses de Sesanus