pour le bannissement dudit Cardinal Mazarin, laquelle
Declaration est tellement authentique, que
l’infraction pourroit rendre cy-apres la parole
Royale en quelque façon méprisable : En second
lieu, la fausseté des bruits que l’on a fait courir,
que ledit Cardinal estoit tantost à Mets, tantost à
Sedan, à la teste de l’armée, & tantost à Peronne ;
& enfin le danger qu’il y auroit de r’appeller
vn homme que l’on vient d’exiler, hay & mal
voulu de tous les peuples, & qui fourniroit vn
beau pretexte à ceux qui ne cherchent autre chose,
pour remuër & faire voir les effets de leurs mauuaises
intentions.

Pour les seconds, leur mécontentement est encor
moins considerable ; car bien qu’aucune raison d’Estat
n’obligeast le Roy d’entreprendre ce voyage,
voulans faire de Paris le sejour perpetuel de la Cour,
ils rendroient en quelque façon la condition du Souuerain,
pire que celle de ses Subjets, qui leur permet
d’aller & sejourner où bon leur semble, & ces
gens-là ne se montrent pas moins ridicules, que celuy
qui voudroit reformer la course du Soleil, &
contraindre cet Astre de demeurer toujours en vn
mesme signe, qui seroit éclairer & rendre feconde
vne petite partie de la terre, & laisser toutes les autres
dans les tenebres & la sterilité.

Quant aux autres, ie m’estonne qu’ayant quelques
connoissances des affaires d’Estas, ils ignorent