LE SALVE REGINA
DE MAZARIN
ET DES PARTISANS

 

LA frayeur qui nous espouuante,
Poussée d’vn iuste courroux,
Nous fait venir la voix tremblante,
Vous dire humblement à genoux,
Salue Regina.

 

Salue Regina.

 

Nous preuoyons vne misere,
Qui nous menace pour tousiours,
Si vous : ô Reine debonnaire,
Ne venez à nostre secours,
Mater misericordiæ.

 

 

C’est à vous que nos vœux s’adressent
Pour obtenir nostre pardon :
Desja les poursuites nous pressent,
Ne nous laissez à l’abandon,
Vita, dulcedo & spes nostra, salue.

 

 

Ne demeurez point irritée,
Des vols que nous auons commis :
La peine n’est pas meritée,
Puisque vous nous l’auez permis,
Ad te clamamus.

 

page précédent(e)

page suivant(e)