Anonyme [1649], LE RENDEZ-VOVS D’VN SOLDAT CONGEDIÉ. Et sa rencontre auec des Filoux. , françaisRéférence RIM : M0_3349. Cote locale : C_8_54.
L’vn accuse la tyrannie Dont sa partie le manie, L’autre gemist que sans raison Son bien s’en porte à la Iustice, Et l’autre blasme l’iniustice Des officiers de la prison.
Fussiez vous Mareschal de France, Ou Sur-Intendant des finances, Dez que vous estes arresté, Vous dependez de la puissance, D’vn Guichetier dont l’arogance Vous faict suiure sa volonté.
L’on vous met selon vostre faute, Daus vn cachot ou chambre haute, Dans Beauuais, le Chesne, ou l’Escu, Où dans tous ces lieux vostre bourse Doit mieux gouuerner vostre bouche,</l> Qu’au passé n’auez pas vescu.
Mais le pis est que l’Innocence Est traittée sans difference Du mal viuant, & par ainsi Mainte honneste & bonne famille Est miserable par la ville Pendant que le Chef est icy.
Encor la peur de la Iustice Qui menace icy du supplice N’y est que comme vn nombre vain, Dans la plus part de ses Canailles, Qui faisant auiourd’huy gogaille Sont pendus dés le lendemain.
Car la Charité outragée Se plaint de ce veoir partagée A quatre pour vn sol de pain, Qui n’estant d’ailleurs soustenuë Ou plus sainctement main tenuë Elle s’en va mourant de fain.
|