Chartres sa Perseuerance, Noyon son courage, Louuiers
sa vigilance. Aumale est tesmoin du sang qu’il respand
pour le salut des siens. Roüen reduit à l’extremité le void aller
au deuant de ses ennemis pour les combatre Iuetot les met en
defordre. Caudebec en couure la fuite, Espernay l’aduance
& Dreux en augmente la honte Toutes les villes forcées publient
sa puissance, les renduës sa foy, les surprises sa bonté, Iamais
battu, tousiours Victorieux. Le mesme Dieu qui l’a conduit
par la main au throsne de ses Peres le garantit d’attantats
énormes & fortifie son ame d’vne singuliere preuoyance pour
rompre de nouueaux desseins qui rendoient les diuisions de la
France immortelles. Il adjouste à ses victoires celle de soy-mesmes,
tend les bras à la verité, recognoit l’Eglise, & Roy
tres-Chrestien est sacre & couronné au plus ancien Temple
de la Chrestienté, A ce coup le pretexte qui auoit donné tant
d’audace aux meschans, & tant de crainte aux gens de bien,
s’esuanoüit. Meaux, Lyon, Orleans, Bourges, le recognoissent
& reprennent le chemin de leur première fidelité. Son cœur
estant le temple & sa bouche Royale l’oracle de la verité induit
ses plus grans ennemis à se fier à sa parole. Il prend Paris,
luy fait receuoir les effects de sa Clemence, y restablit la Iustice,
la Seureté & la Felicité y entrent, permet aux estrangers
d’en sortir armez à la gloire de sa generosité qui ne sçait
ny craindre ny hayr ses ennemis. Laon est leur sepulture, Fontaine
Françoise les contraint de sacrifier leur orgueil aux pieds
de sa valeur. Les villes qui auoient suiuy les plus grande en
la reuolte les imitent en l’obeyssance. Il reduit la Bourgongne,
entre en la Franche Comté finit heureusement la guerre
ciuile, noye en la mer de sa Clemence les choses passées change
les punitions en recompenses, pacifie la Prouence, dompte
l’obstination de la Fere. Marseille recouure sa liberté par la
mort de l’auteur de sa seruitude Il fait l’assẽblée de Roüen, afin
de pouruoir par l’aduis de plusieurs au bien de tous, & cõfirme
les Edicts qui asseurent le repos de son Royaume. L’Espagne
ayant recognu par la reprise d’Amyens, que l’impossible ce

page précédent(e)

page suivant(e)