LE REGNE
SANS FAVORY,
OV L’ABREGÉ
De la vie du Roy Henry le Grand.
Dedié aux bons François.
LA Vertu & la fortune se sont accordées ensemble,
pour donner à ce Prince le tiltre de Grand,
& les merueilles de sa vie le nomment l’Imcomparable
Il fut conceu à la Flesche nasquit à Pau,
passa son enfance à Corase, en lieux aspres, aux
exercices plus rustiques de la campagne, afin que la delicatesse
de la nourriture n’empeschast les actions de son courage.
A sept ans il fut cõduit à la Cour pour y estre esleué auec ceux
auquels il deuoit succeder par droit & par merite. Peu apres
il vid le Roy son Pere mort, la Reyne sa Mere eslongnée, son
Once en défaueur, ses amis en défiance, ses seruiteurs en exil
A seize ans il est recognu General d’vn party, dont les esperances
abb[5 lettres ill.] par la perte de quatre batailles, commencerent
à se releuer sous la faueur de ses armes & le bon heur de