du mal, & ne iuge de la Iustice de la guerre, que par le
bien qu’il en reçoit. Il n’y a charme plus puissant à vous
rauir les cœurs, & qui puisse insinuer vostre authorité en
son plus haut degré que de faire reuerdir ce beau rameau
d’oliue, que les Pleiades de vos Estats tachent de cultiuer
dans vos affections, comme Cigales enuoyées du Ciel,
pour ranimer l’harmonie du doux & agreable accord de
volontés. Croyez asseurement qu’il poussera des fleurs
non moins agreables qu’odoriferantes, & capables d’embaumer
toutes vos Prouinces. Toutes choses se remettront
en leur ordre, & la Iustice sera épanchée & diffuse
tout, comme l’ame par tout le corps. Outre ce vos commandemens
ne seront pas plustot receus qu’executez,
dans l’applaudissement vniuersel de tous les Princes
Chrestiens, auec mille benedictions, & affluence de tous
biens ; Vous en verrez, Dieu aydant, les effets auec acclamations
& resiouïssances publiques, lors qu’on en
portera à tout le monde les heureuses nouuelles, qui ne
viendront iamais si tost qu’elles sont desirées : & ne
s’escouteront pas auec moindre plaisir & de volupté,
que celles que les Grecs receurent autresfois de leur
liberté, qui furent publiquement annoncées sur le theatre
de Nemée, auec vne si grande clameur, que les
Corbeaux qui volerent fortuitement au dessus, furent
tellement estonnez de la voix, qu’ils en tomberent au
milieu de la place. Les peuples de l’Europe aspirent &
conspirent à ce commun bien, les plus esloignez le trouuent
iuste, les voisins vtile, les interessez necessaire
& n’y a personne qui ne le souhaitte & ne s’en resouïsse.
Vous auez prez de vos Maiestez de puissans
& prudents Ministres qui peuuent par leur sage conduitte
ramener les affaires du trouble à la bonace, &
dans I’intrigue de la confusion, se démesler aisement des
difficultez, que l’on sait naistre bien souuent dans l’apprehension
de n’en pouuoir sortir à son honueur. Authorisez

page précédent(e)

page suivant(e)