par Cyrus dans vn combat fait contre les Assyriens,
où elle fut fort honorablement traitée.

Semiramis femme de Ninus Roy des Assyriens,
reconnoissant son fils trop ieune, & par
consequent incapable de gouuerner les affaires
de son Royaume apres la mort de son mary,
elle cacha son sexe, & prenant l’habit d’vn
homme feignant estre son fils, elle prist le soin
de toute la Monarchie, & en cét estat elle surmonta
presque tous ceux qui ont iamais commandé
dans vn Empire : car apres auoir rendu
Babylone la plus superbe ville du monde par
les prodigieuses constructions qu’elle y fit faire,
elle passa en Egypte & en Lybie, qu’elle mit
sous son obeïssance. Elle leua vne armée de
cent mil pietons, d’vn million d’hommes de
caualerie, de cent mille chariots de guerre, de
cent mil hommes qui combatoient sur des
chameaux, de deux cens mil chameaux pour le
bagage & autres munitions de guerre, & de
trois cens mil autres chameaux en forme d’elephans,
afin de regner auec plus de magnificence.

Sophie femme de l’Empereur Iustin II. fut
si entenduë au gouuernement de son Empire,
que son mary luy commettoit la plus grande
partie de ses affaires & de sa charge.

Valascha Reyne de Boëme, par le moyen