sa femme Ienanne d’Evreux grosse, Edoüard
Roy d’Angleterre fils de Madame Elizabeth,
sœur germaine dudit Charles, & par consequent
son Neueu, commença à se plaindre du gouuernement
de ladite Ieanne, & à luy vouloir faire
la guerre : Mais les trois Estats s’estant assemblez
pour cela, il fut dit que Philippes de Valois
Oncle dudit Charles le Bel, seroit gouuerneur
de sadite Cousine, iusques à ce qu’elle fut
accouchée, tant parce que le Royaume de France
ne se pouuoit pas gouuerner par des estrangers,
que pour estre plus proche heritier de la
Couronne, selon la Loy Salique, qui en forclost
& les estrangers & les femmes. Ce qui fut tellement
obserué, que ledit Philippes de Valois,
au lieu de Regent qu’il estoit, il fut declaré Roy
apres que la Reyne Ieanne se fut accouchée
d’vne fille.

Pareillement le Roy Charles V. à bon droict
surnommé le Sage, ayant ordonné par son testament
que Charles VI. son fils & successeur,
auec Louis son autre fils, qui du depuis fut fait
Duc d’Orleans, seroient mis quand à leur education,
en la garde de Philippes Duc de Bourbon
Prince du Sang, & leur Oncle du costé maternel :
& les affaires du Royaume seroient mises
entre les mains de Louis Duc d’Anjou leur Oncle
du costé du pere, en attendant que Charles